37 ёшли Срна "Рома"га ўтиши мумкин

"Кальяри" клуби ҳимоячиси Дарио Срна фаолиятини "Рома"да давом эттириши мумкин. Бу ҳақда L'Unione Sarda нашри хабар тарқатмоқда.

Юқоридаги манбаага кўра 37 ёшли хорватиялик футболчини римликларнинг янги устози Паулу Фонсека ўз жамоасида кўрмоқчи. Таъкидлаш керакки, Срна “Шахтёр” клубида Фонсека қўл остида тўп сурган.

Маълумот учун, Срнанинг “Кальяри” билан амалдаги шартномаси ой охирида ўз ниҳоясига етади ва у жамоа билан келишувни узайтиришни хоҳламаяпти. Шу тариқа у “Рома”га эркин агент сифатида бориб қўшилиши мумкин.

Срна ортда қолган мавсум А Серияда жами 26та ўйинда майдонга тушди ва 4та голга ассистентлик қилди.