Футзал Осиё кубоги. "D" гуруҳида икки жамоа кейинги босқич масаласини ҳал қилди

Индонезияда ўтказилаётган қитъа биринчилигида 2-тур баҳслари давом этмоқда. Дастлаб, Эрон терма жамоаси Саудия Арабистони терма жамоасига қарши паркетга чиқди. Учрашувда катта қийинчиликка дуч келган форслар, якунда 2:0 ҳисобида ғалаба қозониб кейинги босқич масаласини ҳал қилди. Гуруҳнинг иккинчи ўйинида Афғонистон вакиллари Малайзия терма жамоасини йирик 7:0 ҳисобида мағлуб этди ва чорак финалга йўл олди.

Шу тариқа, Афғонистон ва Эрон кейинги босқич масаласини муддатидан аввал ҳал қилди. Сўнгги турда икки жамоа гуруҳ ғолиблиги учун баҳс олиб боради.