45 ёшли Буффон "пенсия"га Саудиядан чиқиши мумкин

"Парма" дарвозабони Жанлуижи Буффон Саудия Арабистони чемпионатига ўтиш ҳақида ўйламоқда.

Яқинда эса 45 ёшли италиялик собиқ дарвозабон фаолиятини якунлаш вариантини кўриб чиқаётгани ва шартномаси бўлган "Парма"да келаси йилнинг ўрталарига қадар қолиши мумкинлиги маълум бўлган эди. Инсайдер Николо Скиранинг янгиланган маълумотларига кўра, Буффонга Саудия Арабистонидан аниқ таклиф бор: маҳаллий чемпионат вакили бўлган номи ошкор этилмаган клуб 30 миллион евролик икки йиллик меҳнат шартномаси таклиф қилмоқда.

Ҳозирча Буффон ўз келажаги борасида якуний қарорга келгани йўқ, лекин у буни тез орада амалга ошириши мумкин.