А серияда 7 ўйинда 10 та гол урган футболчи гранд жамоалардан бирига ўтишга яқин турибди

Италиянинг "Женоа" клуби ҳужумчиси Кшиштоф Пентекка Европанинг бир қатор топ клублари жиддий қизиқиб қолган. Бу ҳақда унинг агенти Томаш Мадьярж Goal.com га маълум қилди.

- Кшиштофнинг ушбу муваффақиятга эришишининг асоси омили нимада? Менимча, бу унинг жуда самимийлиги билан боғлиқ бўлса керак. А серияда эришаётган муваффақиятларига қарамасдан, у ҳамон ўзлигини йўқотмай келмоқда. Айни пайтда бизга бир неча жамоалар жиддий таклиф билан мурожаат қилишган. Бироқ буни ОАВга ошкор қилмай турганимиз маъқул. Ҳозир А серия - унинг уйи. Келажакда нима бўлишини эса вақт кўрсатади.

Қайд этиш лозим, олдинроқ ўтган 7 ўйинда 10 та гол урган 23 ёшли футболчига "Челси", "Барселона", "Ювентус", "Бавария", "Рома" ва Дортмунднинг "Боруссия" жамоаларидан қизиқиш билдирилаётгани хабар қилинганди.