Абдулманап Нурмагомедов: Хабиб Конорга қарши учрашувда рекорд бонусларни қўлга киритади

UFC енгил вазн тоифасида чемпион Хабиб Нурмагомедовнинг отаси ҳамда мураббийи Абдулманап Нурмагомедов Конор МакГрегорга қарши баҳсда Хабиб ва унинг жамоаси неча пул олишлари ҳақида ўз фикрини билдирди.

- МакГрегорга қарши жанг бўлиб ўтиши ажойиб хабар. Бугунги кунга келиб, Хабиб яхши жисмоний формани ушлаб турибди. Баҳс қандай натижа билан якунланишини эса фақатгина худо билади. Аммо Россия Хабибнинг ғалабасига умид қилиши даркор. Айтиб ўтиш жоизки, жангга тайёргарликни АҚШда, Сан-Хоседа олиб борамиз.

Ушбу баҳс натижаларига кўра, Хабиб россиялик аралаш яккакурашлар жангчилари ўртасида энг кўп маош олади. Жангчилар қанча ҳақ олишини яқин кунларда UFC расман эълон қилади, - дея Абдулманапнинг сўзларидан иқтибос келтиради Р-Спорт нашри.