Alba: Har qanday vaziyatda ham Messiga pas berishga harakat qilaman, chunki...

Kataloniyaning “Barselona” klubi himoyachisi Xordi Alba kecha bo‘lib o‘tgan “Vilyarreal”ga (0:2) qarshi baxsdan so‘ng jamoadoshi Lionel Messi bilan maydondagi munosabatlari haqida to‘xtalib o‘tdi.

“Har qanday qulay vaziyatda to‘pni Messiga oshirishga harakat qilaman, chunki u o‘zining deyarli barcha imkoniyatlaridan unumli foydalanadi.

Messi – tarixdagi eng zo‘r futbolchi va jamoamiz uchun o‘ta muhim shaxs. Bu nafaqat uning o‘yinlari bilan bog‘liq, balki, uning maydondan tashqaridagi munosabatlari ham ajoyibdir”, - deydi Alby Marca nashriga bergan intervyusida.