Ана холос! Бонуччи яна "Юве"га қайтиши мумкин

Туриннинг “Ювентус” клуби собиқ ҳимоячиси Леонардо Бонуччини ортга қайтариш масаласида “Милан” билан келишувга эришди. Бу ҳақда Sky Italia нашри хабар тарқатмоқда.

Унга кўра “кекса синьора” 31 ёшли футболчи эвазига “россонерилар”га ўзининг 24 ёшли ҳимоячиси Маттиа Кальдарани беради. Эслатиб ўтиш лозимки, Кальдара сўнгги мавсумни “Аталанта” сафида ижара асосида ўтказган эди.

Маълумот учун, “Милан” Бонуччини бундан роппа-роса 1 йил муқаддам айнан “Ювентус”дан 42 млн евро эвазига сотиб олган эди.