Ана холос! Достонбек Ҳамдамов янги мавсумни
Ads

Ўзбекистон терма жамоаси аъзоси Достонбек Ҳамдамов фаолиятини Ўзбекистон Суперлигасида давом эттиради.

Tribuna.uz манбасига кўра, трансфер ҳуқуқи Маҳачқалъанинг «Анжи» клубига тегишли бўлган бу футболчи яқин вақтлар ичида Тошкентнинг «Пахтакор» клуби сафига қўшилади.

Футболчининг ўзи маълум қилишича, у «шерлар» билан 2 йиллик шартнома имзолайди ва янги клубида 17-рақамли футболкада тўп суради.

Айни вақтда «Анжи» Кисловодск шаҳрида 27 нафар футболчи билан йиғин ўтказмоқда, улар орасида Ҳамдамов йўқ. У айни вақтда, Осиё Кубогидан кейин Тошкентга қайтган. Яқин вақтлар ичида томонлар трансфер ҳақида расман эълон қилиши кутилмоқда.

Айни вақтда 22 ёшда бўлган Достонбек Ҳамдамов футболчилик фаолиятини Сирдарёнинг «Янгиер» клубида бошлаган, кейин «Бунёдкор» академиясига ўтган. У 2014 йилда «қалдирғочлар»нинг асосий таркибида дебют қилган ва жамоада 3 мавсум давомида тўп сурган. У бу давр мобайнида жамоа учун 82 ўйин ўтказиб, 33 гол урган, жамоа билан бир марта Ўзбекистон Суперкубогини қўлга киритган.

«Анжи» 2018 йил баҳорида уни ўз сафига қўшиб олган ва у билан 1,5 йиллик шартнома тузганди.

Достонбек Ҳамдамов 2013 йилда Ўзбекистон ўсмирлар жамоаси аъзоси бўлган, 2014-15 йилларда Ўзбекистон ёшлар жамоасида, 2016 йилдан Ўзбекистон олимпия терма жамоаси сафида мамлакат шарафини ҳимоя қилган. 2016 йилда миллий терма жамоага чақирилган. У 2015 йилда Осиёнинг энг яхши ёш футболчиси сифатида эътироф этилганди.

«Пахтакор» бундан олдинроқ «Бунёдкор»нинг собиқ футболчилари Акром Комилов ва Сардор Собирхўжаев, шунингдек, «Навбаҳор»дан Азиз Турғунбоевни ўз сафига қўшиб олганди

Марат Бикмаев "Пахтакор" футболчисига айланди

Шунингдек, бугун SPORTS.uz сайти орқали "Пахтакор" Марат Бикмаевни ҳам қўшиб олгани борасида хабар бергандик.

Фикрлар

Фикр қолдириш учун авторизациядан ўтинг!
&
darwesh
23/01/2019 23:12
Анжи ахволи яхши эмасдир. Мороженоега пул бермагандир
&
kuperlox
23/01/2019 14:47
таркиб кучаяди, маратжон тупурар булади ва хар доимги 1 тийинга киммат футболчилар термада асосий уринларни банд килади ... бу йил ПСЖ ролида Пахтакор шекилли...
Real Madrid
23/01/2019 13:20
????????
&
King of World
23/01/2019 12:51
Жавоб тайёр Европага олишмайди. Ҳаракат қилиш керак. Зидан баклашка тепиб катта бўлган. Силар тўп тепяпсиларку... Роналдиньонинг чиқиб келиши янада ачинарли. Ҳа тўқлик, тўқлик...
&
King of World
23/01/2019 12:49
Анжида морожний еб келибдида... чиқмайсанми, ўйнамайсанми Европада...

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98