Ана холос! Эктор Бельерин учун мавсум якунланди

Британиянинг машҳур The Telegraph нашри "Арсенал" ҳимоячиси Эктор Бельериннинг “Челси”га (2:0) қарши ўйинда тиззасидан олган жароҳати ўта жиддий эканлигини маълум қилди.

Унга кўра 23 ёшли испаниялик футболчи камида ярим йил майдонга туша олмайди. Шундан келиб чиқиб айтадиган бўлсак, Бельерин учун жорий мавсум муддатидан аввал ниҳоясига етди.

Маълумот учун, Бельерин жорий мавсум “Арсенал” сафида жами 19та ўйинда майдонга тушди ва жамоасининг 5та голига ассистентлик қилишга эришди.