Аргентина-2018. Долера Давронова бронза медали соҳибаси

Аргентинанинг Буэнос-Айрес шаҳрида III ёзги ўсмирлар Олимпия ўйинлари давом этмоқда. Ушбу «кичик Олимпиада»да ўзбекистонлик спортчилар ҳам муваффақиятли иштирок этишмоқда. Ҳамюртларимизнинг зафарли юришини бугун оғир атлетикачимиз Долера Давронова давом эттирди. Бу ҳақда МОҚ матбуот хизмати хабар бермоқда.

+63кг вазн тоифасида юртимиз шарафини ҳимоя қилган Долера даст кўтаришда 92кг., силтаб кўтаришда эса 125кг. тош кўтарди. Умумий ҳисобда эса 217кг натижа кўрсатиб, учинчи кўрсаткични қайд этди ва ўсмирлар Олимпия ўйинларининг бронза медалига сазовор бўлди.

Шу тариқа, ўзбекистонлик спортчилар ҳисобида медаллар сони саккизтага етди. Уларнинг 2 таси олтин, 3 таси кумуш ва 3 таси бронза медалларидир. 1 та олтин ва яна 1 та бронза медали микст баҳсларида қўлга киритилган.

Фикрлар

Фикр қолдириш учун авторизациядан ўтинг!