Арнаутович ҳеч қаерга кетмайди

Лондоннинг "Вест Хэм" клуби форварди Марко Арнаутович ўзига нисбатан бўлаётган ҳар қандай таклифларни рад этиб, яна ўз жамоасида қолишга қарор қилди. У бу ҳақда ўзининг Инстаграмдаги саҳифаси орқали маълум қилди.

Эслатиб ўтамиз, бундан аввалроқ 29 ёшли австриялик футболчи фаолиятини Хитойда давом эттириши ҳақида хабарлар тарқалган эди. Аниқроғи, ҳамюртимиз Одил Аҳмедов тўп сурадиган "Шанхай СИПГ" клуби унинг учун “болғачилар”га 50 млн евро таклиф қилгани ҳақида маълумотлар тарқалган эди.