Arsen Venger PSJda ish boshlashi mumkin

PSJning yangi sport direktori Arsen Venger bo‘lishi mumkin. Bu haqda ESPN xabar bermoqda.

Unga ko‘ra parijliklar bu masala yuzasidan 69 yoshli frantsiyalik mutaxassisga aniq taklif bilan murojaat qilishgan. Klubning ayni damdagi sport direktori hisoblangan Antero Enrikening faoliyatidan esa rahbariyat qoniqish xosil qilmayapti. Bunga asosiy sabab sifatida yaqinda “Barselona” bilan shartnoma imzolagan “Ayaks” xavbeki Frenki de Yongni qo‘ldan chiqarilgani hamda jamoa etakchilaridan biri hisoblangan Adrien Raboning klub bilan shartnomasini uzaytirmayotgani aytilmoqda.

Eslatib o‘tamiz, Arsen Venger uzoq yillar Londonning “Arsenal” klubini boshqardi va o‘tgan mavsum yakunlangach jamoani tark etdi. Ayni damda u ishsiz hisoblanadi.