“Арсенал” 2016 йилнинг иккинчи ярмида 12,6 млн фунт фойда кўрган

Лондоннинг “Арсенал” клуби ўзининг расмий сайтида 2016 йил якунлари бўйича иқтисодий кўрсаткичларни эълон қилди. Ҳужжатда ёзилишича “канонирлар” ўтган йилнинг иккинчи ярмида 191,1 млн фунт кирим қилишган, 2015 йилда эса бу кўрсаткич 158 млн фунтни ташкил этган эди.

“Тўпчилар” ўтган йилда жамоага янги футбочи ҳарид қилиш учун жами 86,6 млн фунт сарфлашган, футболчи сотишдан эса 6,3 мл фунт даромад кўришган.

Шундай қилиб, “Арсенал”нинг 2016 йил 2-ярмида кўрган соф фойдаси 12,6 млн фунтни ташкил этди. Таққослаш учун, 2015 йилда лондонликларда бу кўрсаткич 6,2 млн фунтни ташкил этган.