"Арсенал" форварди фаолиятини Туркияда давом эттириши мумкин

Лондоннинг "Арсенал" клуби ҳужумчиси Дэнни Уэлбек тез орада жамоани тарк этиши мумкин.

Todomercadoweb нашри тарқатган хабарга кўра 27 ёшли англиялик футболчига Туркиянинг “Галатасарой” клуби жиддий қизиқиш билдира бошлаган. Таъкидлаш лозимки, “канонирлар”нинг янги устози Унаи Эмери жорий мавсумда Уэлбекнинг хизматларига таянмоқчи эмас.

Эслатиб ўтамиз, бундан аввалроқ Уэлбекка Туркиянинг бошқа бир клуби – “Бешиктош”дан қизиқишлар бўлаётгани ҳақида хабарлар тарқалган эди.