"Arsenal"ning asosiy darvozaboni noma’lum muddatga safdan chiqdi

Londonning "Arsenal" klubi asosiy darvozaboni Petr Chex jarohat olib safdan chiqdi. Bu haqda The Sun nashri xabar bermoqda.

Berilgan ma’lumotlarga ko‘ra 36 yoshli chexiyalik posbon son paylaridan jarohatlangan. Hozircha uning qachon safga qaytishi haqida xabarlar yo‘q.

Ma’lumot uchun, Chex joriy mavsum “kanonirlar” safida jami 7ta o‘yinda maydonga tushdi va o‘z darvozasidan 6ta gol o‘tkazib yubordi.