“Атлетико” сўнгги 8 йил ичида 3-марта Европа лигаси финалига чиқди

Ҳозиргина Европа лигаси ярим финалидан ўрин олган “Атлетико” ҳамда “Арсенал” жамоалари ўртасидаги баҳс ўз ниҳоясига етди.

Мадриддаги “Ванда Метрополитано” стадионида кечган қарама-қаршиликда “матрасчилар” Диего Коста томонидан киритилган ягона гол эвазига ғалаба қозонди ва финал йўлланмасига эга чиқди.

Шу тариқа, “матрасчилар” сўнгги саккиз йил ичида учинчи марта мазкур турнир финалига чиқишди. Мадридликлар бундан олдинги ҳар икки финалда ғалаба қозонган ва бош совринни қўлга киритган эди.

Қайж этиш жоиз, бу йилги финал Диего Симеоне учун “Атлетико” бошқарувида Европа лигасидаги иккинчи, еврокубоклардаги тўртинчи финал бўлади.