"Аякс" мухлислари Кройфф ҳайкали учун пул тўплашди

Амстердамнинг "Аякс" клуби мухлислари жамоа афсонаси Йохан Кройффга ҳайкал ўрнатиш учун пул йиғишди.

Берилган маълумотларга қараганда ишқибозлар 3 ой давомида жами 75 минг евро пул тўплашган. Энди ушбу маблағ эвазига Амстердам шаҳрида Кройффнинг 2та ҳайкали қад кўтаради.

Маълумот учун, Кройфф “Аякс” тарбияланувчиси ҳисобланади. У 1964-1973 ҳамда 1981-1983 йилларда ушбу жамоада тўп сурган. 1986-1988 йилларда эса амстердамликларга устозлик қилган. У 2016 йилда оғир ҳасталикдан сўнг вафот этган.