"Barselona" hujumchisiga Frantsiyadan qiziqishlar bo‘lmoqda

Kataloniyaning “Barselona” klubi forvardi Munir El-Xaddadi faoliyatini Frantsiyada davom ettirishi mumkin.

Mundo Deportivo tarqatgan xabarga ko‘ra 23 yoshli ispaniyalik futbolchiga “Marsel”dan jiddiy qiziqish bo‘lmoqda. Qayd etish lozimki, uning “ko‘k-anor ranglilar” bilan amaldagi shartnomasi mavsum yakunida o‘z nihoyasiga etadi. Bundan avvalroq esa tomonlar ushbu shartnomani uzaytirish borasida kelisha olishmagani haqida xabarlar tarqalgan edi.

Ma’lumot uchun, El-Xaddadi joriy mavsum “Barselona” safida jami 7ta o‘yinda ishtirok etdi va o‘z hisobiga 1ta gol hamda 1ta golli uzatma yozdirib qo‘yishga erishgan.