"Барселона" ўзининг навбатдаги трансфери ҳақида эълон қилди (ФОТО)

Сенегаллик ҳимоячи Мусса Ваге "Барселона" билан шартнома имзолади. Бу ҳақда каталонияликлар расмий сайти хабар бермоқда.

Берилган маълумотларга кўра 19 ёшли футболчи “кўк-анор ранглилар” билан 5 йиллик шартнома имзолаган. Бунинг учун эса “Барселона” Бельгиянинг “Эйпен” клубига 5 млн евро тўлаган. Энди Ваге каталонияликларнинг ёшлар жамоасида тўп суради.

Эслатиб ўтамиз, Ваге Россияда бўлиб ўтган жаҳон чемпионатида Сенегал терма жамоаси сафида иштирок этди ва мундиаллар тарихидаги энг ёш африкалик футболчига айланди.