Baxtiyor Namozov BAAdagi xalqaro musobaqa finalini boshqaradigan bo‘ldi

Xabaringiz bor, hamyurtimiz Baxtiyor Namozov BAAda bo‘lib o‘tayotgan Plyaj futboli bo‘yicha xalqaro musobaqada faoliyat olib bormoqda. 

Namozov bugunga qadar mazkur qit’alar aro kubok doirasida Braziliya - Ispaniya (5:2), Taiti - Eron (2:4), Misr - Ispaniya (7:6) hamda Rossiya – Braziliya (5:5) uchrashuvlarini boshqardi.

Baxtiyor Namozov bugun musobaqaning final uchrashuvini boshqarib boradigan bo‘ldi. Finalda Eron va Rossiya terma jamoalari o‘zaro bahs olib borishadi. Uchrashuv bizning vaqtimiz bilan soat 21:00da start oladi. 

Ta’kidlab o‘tamiz, ushbu xalqaro musobaqada Braziliya, BAA, Misr, Eron, Rossiya, Taiti, AQSh, Ispaniya kabi terma jamoalar qatnashishmoqda.