Белотти: Испаниядан учралган мағлубият биз учун яхши сабоқ бўлди

Кеча ЖЧ-2018 саралаши доирасида бўлиб ўтган Испания ҳамда Италия (3:0) терма жамоалари ўртасидаги баҳсдан сўнг италияликлар ҳужумчиси Андреа Белотти ўз фикрларини билдириб ўтди.

“Биз ушбу баҳсга жуда яхши тайёрланган эдик ва ўта ҳужумкор таркибда майдонга тушгандик. Биз ижобий натижа қайд этиш ниятида эдик. Бу баҳс биз учун дарс бўлиши шарт.

Биз бунданда яхшироқ ўйнашимиз ҳам мумкин эди, бироқ бундай қила олмадик. Шунинг учун йўл қўйган хатоларимизни таҳлил қилиб чиқишимиз керак”, - дейди Белотти.