Бенитес "Ньюкасл"дан кетмайди

Англиянинг “Ньюкасл” клуби бош мураббийи Рафаэль Бенитес “қарғалар”ни тарк этиш режаси йўқлигини ва жамоани келгуси мавсум яна премьер-лигага қайтариш ниятида эканлигини айтди.

“Мен “Ньюкасл”ни тарк этиш ҳақида гапирмадим ва бундай ниятим ҳам йўқ. Мен жамоани яна премьер-лигага қайтариб, у билан ўсишга эришмоқчиман. Бу мақчад йўлида қўлимдан келган барча ишни қиламан. Ўйлайманки биз олдимизга қўйилган вазифани уддалай оламиз. Шу ўринда бизни қўллаб-қувватлаб турган мухлисларимизга миннатдорчилик билдириб қоламан”, - дейди испаниялик мутахассис Sky Sports нашрига берган интервьюсида .

Эслатиб ўтамиз, аввалроқ Бенитес ёзда маълум сабабларга кўра “Ньюкасл”ни тарк этиши ҳақида хабарлар тарқалган эди.