Бензема ЕЧЛ тарихидаги энг яхши тўпурарлар рўйхатида 4-ўринга чиқиб олди

Мадриднинг "Реал" клуби ҳужумчиси Карим Бензема кеча УЕФА Чемпионлар лигаси гуруҳ босқичининг 3-турида "Виктория Пльзен"га (2:1) қарши баҳсда ўз ҳисобига гол ёздириб қўйишга эришди.

Қайд этиш лозимки, ушбу гол 30 ёшли франциялик футболчи учун ушбу мусобақадаги  57-гол бўлди ва у бу кўрсатгич борасида “қироллик клуби”нинг собиқ ҳужумчиси Рауль (71), “Барселона” ҳужумчиси Лионель Месси (105) ҳамда “Ювентус” ҳужумчиси Криштиану Роналдулардан (120) сўнг 4-ўринга кўтарилиб олди.

Маълумот учун, Бензема Чемпионлар лигасида қаторасига 14 мавсумдан буён гол уриб келмоқда.