Бензема Месси ва Раулга тенглашиб олди

Мадриднинг "Реал" клуби ҳужумчиси Карим Бензема кеча УЕФА Чемпионлар лигаси гуруҳ босқичининг 3-турида "Виктория Пльзен"га (2:1) қарши баҳсда ўз ҳисобига гол ёздириб қўйишга эришди.

Эътиборлиси, 30 ёшли франциялик форвард ЕЧЛда қаторасига 14-мавсумда ҳам рақиб дарвозасини ишғол этишни уддалади ва бу кўрсатгич борасида “Барселона” ҳужумчиси Лионель Месси ҳамда “қироллик клуби”нинг собиқ ҳужумчиси Рауль Гонзалесларга тенглашиб олди.

Маълумот учун, Бенземанинг Чемпионлар лигасидаги умумий голлари сони 57тага етди.