Биласизми? Эрматов бошқарган Осиё кубоги финалида Япония ғалаба қозонган

Аввал хабар берганимиздек 1 февраль куни Бирлашган Араб Амирликлари пойтахти Абу-Даби шаҳридаги “Шайх Зайид” стадионида Япония ва Қатар терма жамоалари ўртасида Осиё кубогининг финал учрашувини ҳамюртимиз Равшан Эрматов бошчилигидаги ўзбекистонлик ҳакамлар бригадаси бошқариб боради.

Таъкидлаш керакки 41 ёшли ҳакамимиз учун бу қитъа кубогидаги биринчи финал эмас. У 2011 йил Қатарда бўлиб ўтган Осиё кубоги финалида ҳам ишлаган эди. Ўшанда ҳам Япония финалда иштирок этганди. Кунчиқар юрт вакилларининг ўша финалдаги рақиби Австралия терма жамоаси эди.

Ўйиннинг асосий бўлимлари дуранг билан якунлангач Эрматов қўшимча таймларга мурожаат қилган эди. Қўшимча бўлимларнинг 108-дақиқаси ўтиб бораётган бир пайтда япониялик Юто Нагатомо австралияликлар дарвозасини ишғол этиб жамоасига ғолибликни тақдим этган эди.

Японлар бу сафар ҳам финалда ва бу сафар ҳам улар иштирокидаги ўйинни Равшан Эрматов бошқаради. Бу сафар ҳам улар ғолиб бўлиб ушбу анъанани давом эттиришадими ёки йўқ буни 1 февраль куни Тошкент вақти билан соат 19:00да бошланалиган ўйиндан сўнг билиб оламиз.