Биласизми? Гвардиола мураббийлик фаолиятидаги ўтган 9 йил ичида 7-марта чемпион бўлди

Хабарингиз бор кеча АПЛнинг навбатдаги турида МЮ ўз майдонида “Вест Бромвич”га (1:0) мағлуб бўлгач, ҳамшаҳари "Манчестер Сити" муддатидан аввал чемпионликни тантана қилди.

Эътиборлиси, “шаҳарликлар” бош мураббийи Хосеп Гвардиола ўзининг мураббийлик фаолиятидаги ортда қолган 9 йил ичида 7-марта чемпионликни қўлга киритди. У фақатгина 2011/2012 йилги мавсумда “Барселона” билан Ла Лигада, 2016/2017 йилги мавсумда эса “Манчестер Сити” билан АПЛда чемпион бўла олмаган ҳолос.

Эслатиб ўтиш лозимки, 47 ёшли мутахассис “Бавария”ни уч мавсум бошқарган бўлса, шуларнинг барчасида Бундеслига чемпионлиги қўлга киритган.