Биласизми? ПСЖ Мбаппени ЖЧ-2018га қадар сотиб юбориши ҳам мумкин эди

Франциянинг ПСЖ клуби раҳбарияти жамоа форварди Килиан Мбаппени ЖЧ-2018 стартига қадар сотиб юборишга тайёр турган эди.

The Transfer Window нашри тарқатган хабарга кўра парижликлар айнан мундиал бошланишидан аввал УЕФА томонидан ўрнатилган молиявий фэйр-плейга амал қилиш учун айнан 19 ёшли французни сотиб юборишни режалаштиришган. Аммо унинг жаҳон чемпионатидаги фантастик ўйини парижликларнинг фикрини мутлақо ўзгартириб юборди.

Эслатиб ўтамиз, мундиалда 4та гол урган Мбаппе якунда ФИФА томонидан мусобақанинг энг яхши ёш футболчиси деб топилган эди.