Трамп қўнғироқ қилмадими? ФИФА Англия футболчисини икки ўйинга четлатди

Яқинда футбол жамоатчилиги ФИФАнинг Фоларин Балогунга берилган дисквалификацияни бир йиллик синов муддати билан тўхтатиб туриш ҳақидаги қарори атрофида баҳс-мунозарага тўлди. 

Бу қарор туфайли ҳужумчи қизил карточка олганига қарамай, жаҳон чемпионати чорак финалида Бельгияга қарши майдонга тушиш имкониятига эга бўлди.

Маълумотларга кўра, Балогуннинг жазоси АҚШ президенти Дональд Трампнинг телефон орқали қилган мурожаатидан сўнг кечиктирилган. Шунга қарамай, ФИФА расман интизом қўмитаси қарорини сиёсий босим билан боғлашни рад этмоқда.

Шу билан бирга, Англия терма жамоаси ҳимоячиси Жарелл Куанса Мексикага қарши ўйинда майдондан четлатилганидан кейин икки ўйинга дисквалификация олди. 

Sky нашри ёзишича, бу ҳолатда ФИФА Балогун ишидан фарқли равишда бошқа қарор қабул қилган.

Натижада, Куанса Норвегияга қарши чорак финални ҳам, жамоаси ярим финалга чиқадиган бўлса, ушбу беллашувни ҳам ўтказиб юборишга мажбур бўлади.