Биласизми? "Пахтакор" ўз тарихида учинчи марта кубок финалида мағлуб бўлди

Биллур соврин учун АГМК ҳамда "Пахтакор" жамоалари ўзаро кураш олиб боришди. Фарғонадаги "Истиқлол" стадионида кечган беллашувда олмалиқликлар 3:1 ҳисобидаги ишончли ғалабани қўлга киритишди ва бош совринга эга чиқишди.

Бу "шерлар" тарихида кубок финалидаги учинчи мағлубият бўлди. Тошкентликлар 1996 йилги кубок финалида "Нефтчи"га пенальтилар сериясига кўра (5:4) мағлуб бўлган эди.

2008 йилда эса "Бунёдкор" ҳал қилувчи баҳсда "Пахтакор"дан 3:1 ҳисобила устун келган.

Маълумот учун, "Пахтакор" ҳозирга қадар 11 марта кубок соҳиби бўлган. АГМК учун эса бу биринчиси бўлди.