«Челси» – «Саутгемптон» ўйинидан чиқарилган тўрт хулоса

«Челси» Премьер Лиганинг навбатдаги турида «Саутгемптон»га қарши баҳс олиб борди ва унда кутилмаганда Сарри шогирдлари нурсиз дурангга имзо чекишди. Натижада лондонликлар қимматли очколарни йўқотди ва турнир пешқадамларини таъқиб қилишда, умуман чемпионлик пойгасидан борган сари чиқиб кетмоқда.

Маурисио Сарри жамоаси ўз уйидаги учрашувда тўлиқ ҳукмронлик қилганига қарамай яхши ҳимояни ташкиллаштира олган меҳмонлар дарвозасига йўл топа олмади. Хўш, ушбу учрашувдан қандай хулосаларни чиқариш мумкин?

  1. Cаррисмо «девори» мустаҳкамлигини йўқотмоқда

«Челси» бошқарувига ёзда Сарри келганидан бери анча ижобий футбол намойиш қилмоқда. Конте қўли остидаги ҳимоявий услубдан янги босқичга кўтарилиб олишди.

Аммо «кўклар» шундан кейин ҳимояни ташкил қилишда оқсай бошлади. «Стэмфорд Бридж»да кечган учрашувнинг биринчи бўлимида лондонликлар 73 % натижа билан тўпга эгалик қилди. Тўққиз марта рақиб дарвозасини нишонга олди. Улар дарҳақиқат меҳмонлар дарвозабонини имтихондан ўтказишди.

Шунингдек, мезбонлар захира ўриндиғида кучли ҳужумчининг йўқлиги ҳам панд берди. Рубен Лофтус-Чик майдонни эрта тарк этишига тўғри келганида ўйинга Сеск Фабрегас туширилди.

Аммо бу ўзгариш «аристократлар»га наф келтирмади. 2019-йилни ҳам улар ўтган йилдагидек гол ура олмасдан бошлади. Қаторасига икки уй учрашувида ҳам бирорта гол уришнинг уддасидан чиқа олишмади.

  1. Ральфнинг навбатдаги «революцияси»

«Саутгемптон» жамоага деабрь ойида Ральф Хазенхюттл келганидан бери сезиларли ўзгара бошлади. Чоршанба кунги ўйин улар тўғри йўналишга чиқиб олганини кўрсатиб берди.

«Арсенал»ни 3-2 ҳисобида мағлуб этган австриялик мураббий «Манчестер Сити»дан 3-1 ҳисобида доғда қолди. «Авлиёлар» мухлислари Гвардиола жамоасидан навбатдаги қақшаткич мағлубиятни кутишгани рост. Аммо ҳисоб биринчи даврадагидан анча камтарона бўлди.

Аммо «Саутгемптон» «Сити»га қарши ўйиндан керакли хулосаларни чиқарди ва улар каби ўйин услубига эга «Челси»га қарши бошқача ўйин кўрсатишди. Майдон эгаларига ташаббусни бериб қўйган меҳмонлар “кўклар”га муносиб қаршилик кўрсатишди. Сарри шогирдлари жарима майдончасига киришнинг йўлини топишганида ҳам «авлиёлар» ҳимояси яхши ҳаракатланди. Нголо Кантенинг хавфли зарбасини Майя Йошида йўққа чиқарганини эслатиб ўтиш кифоя.

Ральф жамоаси кучли рақибдан очко тортиб олганидан кейин мавсумни қутқариб қолиши учун шундай рухда давом этишлари шарт.

  1. «Челси» Пулишичнинг трансферини қайта ўйлаб кўриши зарур

Чоршанба куни эрталаб қишки трансфер бозорининг дастлабки «бомбаси» содир бўлди. Лондонликлар «Боруссия Дортмунд» вакили Кристиан Пулишични 58 миллион фунтга сотиб олганини эълон қилди. Аммо 20 ёшли вингер мавсум якунигача яна дортмундликларга ижарага қайтарилди. У энди ёзда янги клубига келиб қўшилади.

Аммо «Челси» шу тариқа катта хатога йўл қўйди. Боиси Саррида жароҳатлар эпидемияси бошланган бир пайтда янги вакилини немис клубида қолдириш варианти яхши эмас. «Кўклар» аллақчон Педро, Виктор Мозес ва Хадсон-Одоиларсиз ўйнашга мажбур бўлиб келмоқда. Кечаги ўйинда таркибда вингер сифатида Эден Азар ва Виллианларгина қолишган.

37-дақиқада эса Азар ягона соғлом вингер бўлиб қолди. Жароҳат олган Виллиан эса майдонни тарк этди.

Бразилиялик футболчининг ўрнига туширилган Лофтус-Чик ҳам қарангки жароҳат олиб майдонни эрта якунлади.

Хадсон-Одои яқин бир неча ҳафтани ўтказиб юбориши кутилмоқда.

  1. Ангус Ганн Англия термасига номзод!

Кечаги ўйин «Саутгемптон» дарвозабони Ангус Ганн учун муҳим аҳамиятга эга бўлди. У Премьер Лигадаги дебютини 23 ёшини қаршилаш арафасида амалга оширди.

22 ёш ва 346 кунлик бўлган Ганн 2016-йилда Премьер Лигада дебют қилган Жордан Пикфорддан (21 ёш 315 кун) кейинги ёш посбонга айланди. Энди Ганн ҳам терма жамоада Пикфордга рақобатчилик қилиши мумкин.

Истеъдодли ёш дарвозабон ўтган йили ёзда «Манчестер Сити»дан келиб қўшилганди. Ўтган мавсумни эса у Чемпионшип вакили «Норвич Сити»да ижарада ўтказганди. «Авлиёлар» сафида эса Лига Кубогининг уч ўйинида майдонга тушишга муваффақ бўлди.

Премьер Лигада бирорта ўйин ўтказмаган Ганн учун кечаги «қуруқ ўйин» анча яхши натижа ҳисобланади. Боз устига у Азарнинг икки аниқ зарбасини қайтариб сейв ижро этди.

Ўйиндан олдин жамоа бош мураббийи уни «Дерби Каунти»га қарши ўйинда ҳам асосий таркибда тушишини тасдиқлади. Аммо «Челси»га қарши кўрсатган маҳоратидан кейин ўз омадини яна синаб кўриши аниқ.

Фикрлар

Фикр қолдириш учун авторизациядан ўтинг!
&
darwesh
03/01/2019 17:27
Сарри хали яхши урнашиб олмаганлигини куриниб турибди