"Челси" Дринкуотер учун "Лестер"га 35 млн фунт таклиф қилмоқда

Аввал хабар берганимиздек Лондоннинг “Челси” клуби ёзги трансферлар деразаси ёпилгунига қадар “Лестер” ярим ҳимоячиси Дэниэл Дринкуотерни ўз сафига қўшиб олишга ҳаракат қилмоқда.

Daily Mail нашри тарқатган хабарга кўра “аристократлар” бу борада “тулкилар”га 35 миллион фунтлик таклиф юборишмоқчи.

Эслатиб ўтамиз, бундан аввалроқ 27 ёшли англиялик футболчи “Лестер” раҳбариятидан ўзини трансферга қўйишларини сўраб мурожаат қилган эди. Бироқ, клуб уни 40 млн фунтдан камига қўйиб юбормаслигини билдирган. Унинг “тулкилар” билан амалдаги шартномаси эса 2021 йилга қадар имзоланган.

Маълумот учун, “Челси” бундан ташқари бугун яна 2та трансферни амалга оширмоқчи. Аниқроғи, улар “Эвертон”дан Росс Барклини ҳамда “Суонси”дан Фернандо Льорентеларни сотиб олишмоқчи.