"Челси" ҳам А Серия тўпурари учун курашга қўшилди

Италиянинг "Женоа" клуби форварди Кшиштоф Пентек фаолиятини Англия премьер-лигасида давом эттириши мумкин.

Football Italia нашри тарқатган хабарга кўра Лондоннинг “Челси” клуби 23 ёшли польшалик футболчи учун генуяликларга 50 миллион евро тўлашга тайёр.

Эслатиб ўтамиз, бундан аввалроқ “Женоа”нинг ўзи ҳам қишда Пентекни яхшигина маблағ эвазига сотишга тайёрлиги ҳақида хабарлар тарқалган эди.

Маълумот учун, Пентек жорий мавсум А Серияда жами 8та ўйинда майдонга тушди ва ўз ҳисобига 13та гол ёздириб қўйишга эришди. Унга шунингдек Каталониянинг "Барселона" клубидан ҳам жиддий қизиқишлар бўлмоқда.