"Челси"га Ковачич ёқмади

"Челси"да тўп сураётган ярим ҳимоячи Матео Ковачич жорий мавсум якунлангач яна "Реал"га қайтади.

Daily Star нашри тарқатган хабарга кўра 24 ёшли хорватиялик футболчи “аристократлар” мураббийларининг ишончини оқлай олмаяпти ва шу боис раҳбарият уни ижара муддати якунига етгач яна “қироллик клуби”га қайтариб юборишмоқчи.

Таъкидлаш лозимки, “Челси” устози Маурицио Сарри ушбу позицияда Росс Баркли ҳамда Рубен Лофтус-Чикларга кўпроқ имкон бермоқчи.

Маълумот учун, Ковачич жорий мавсум “Челси” сафида жами 12та ўйинда майдонга тушди ва ўз ҳисобига 1та голли узатма ёздириб қўйишга эришди.