Дани Алвес "Манчестер Сити"га ўтмоқчи

Франциянинг ПСЖ клуби ҳимоячиси Дани Алвес фаолиятини Англия премьер-лигасида давом эттириши мумкин.

UOL Esporte нашри тарқатган хабарга кўра 35 ёшли бразилиялик футболчи “Манчестер Сити”га ўтмоқчи. Таъкидлаш керакки, Алвес “шаҳарликлар” устози Пеп Гвардиола билан “Барселона”да бирга фаолият олиб борган ва улар ўзаро яхши муносабатда.

Эслатиб ўтамиз, Алвеснинг парижликлар билан амалдаги шартномаси жорий мавсум якунида ўз ниҳоясига етади.