Дани Алвес ярим йиллик даволанишдан сўнг яна машғулотларга киришди

Франциянинг ПСЖ клуби ҳимоячиси Дани Алвес тиззасидан олган жиддий жароҳатидан тўлиқ фориғ бўлди.

Француз нашрларининг ёзишича 35 ёшли бразилиялик футболчи май ойидан буён илк бор машғулотларга киришган. Бироқ, ҳозирча унинг қачон парижликлар сафида майдонга тушиши ҳақида маълумотлар берилмаган.

Эслатиб ўтамиз, Алвес жорий йилнинг 8 май куни Франция кубоги финалида жароҳат олган эди.