Денис Истомин сербиялик теннисчига қарши Гштаадда ўйнайди

Швейцариянинг Гштаад шаҳрида Профессионал теннисчилар уюшмаси - ATP томонидан "J. Safra Sarasin Swiss Open Gstaad" турнири бошланди.

Соврин жамғармаси 501,345 еврони ташкил қилувчи мазкур мусобақада мамлакатимизнинг биринчи рақамли теннисчиси Денис Истомин иштирокини асосий тўр баҳсларидан бошлайди.

Денис турнирнинг биринчи даврасида сербиялик Ласло Дьерега қарши кортга чиқади. Эслатиб ўтамиз, Денис ва Ласло бугунга қадар икки маротаба тўқнаш келган. Афсуски, ушбу учрашувларда теннисчимиз имкониятни бой бериб қўйган.