Дэнни Роуз Одил Аҳмедовга жамоадош бўлиши мумкин эди

Лондоннинг “Тоттенхэм” клуби ҳимоячиси Дэнни Роуз ҳам Хитой чемпионатига йўл олиши мумкин эди, бироқ, у бу таклифни рад этди. 
The Sun нашрининг маълум қилишича Роузга ҳамюртимиз Одил Аҳмедов тўп сурадиган “Шанхай СИПГ” жамоаси жиддий қизиқиш билдирган. Таъкидлаш керакки, жамоа бош мураббийи Андре Виллаш-Боашнинг шаҳсан ўзи Дэннини Шанхайга олиб келишни мақсад қилган эди. Боиси, португалиялик мутахассис “Тоттенхэм”да фаолият олиб борган ва Роузнинг имкониятларини жуда яхши билади. 

Агар Англия терма жамоаси аъзоси Хитой клубига кўчиб ўтганида, унинг маоши кескин ошар эди. 26 ёшли футболчининг айни дамдаги маоши эса 366 минг фунтни ташкил қилади. 
Маълумот учун, Роузнинг “шпорлар” билан амалдаги шартномаси 2021 йилнинг ёзига қадар имзоланган.