Дэйна Уайт: Конор кўп вақт ва маблағ йўқотди

UFC президенти Дэйна Уайт жангчи Конор МакГрегорнинг автобусга хужуми билан боғлиқ  суд жараёни якунланганидан сўнг ўз фикрини билдирди.

- Конор ушбу хужум учун кўп маблағ ва вақт йўқотди. Аммо ўзаро муносабатларимиз бу вазиятдан сўнг ўзгаргани йўқ. Конор Хабиб билан учрашиши аниқ, бу баҳсни кўп мухлислар томоша қилишни хоҳлаяпти, - дея Уайтнинг сўзларидан иқтибос келтиради MMA Fighting нашри.

Маълумот учун, Конор суд қарори билан қамоқ жазосидан озод этилди ва октябрьда рингга чиқишга тайёр. Нурмагомедов эса жанг ноябрь бўлиб ўтишини талаб қилмоқда. 

Эслатиб ўтиш жоизки, суд Конорга зарар етган автобус таъмирини ҳаражатларини қоплаш, беш кун жамоат ишида ишлашни жазо сифатида берди.