Диего Симеоне: Футболчиларимни деб Мадридда қолдим

"Мен футболчиларим туфайли шартномани узайтирдим. Биз бундан яхши ўйнашимиз, янада кучайишимиз мумкин. Айнан шу нарсалар мени мазкур жамоа билан совринлар учун курашишга ундади", - деди аргентиналик мутахассис.

Маълумот учун, аргентиналик мураббий 2011 йилдан буён "Атлетико"ни бошқариб келади.

Бу вақт давомида мадридликлар Испания чемпиони бўлишди (2014), Испания кубоги (2013), Испания Суперкубоги (2014), икки бор Европа лигаси (2012 ва 2018) ҳамда икки бор УЕФА суперкубогини қўлга киритган.

Бундан ташқари Симеоненинг "Атлетико"си икки бор ЕЧЛ финалига чиққан.