Легионеримиз трансферига қандай баҳо беришди?

Қозоғистон Премьер-лигасининг жорий мавсумида ўзбек футболининг икки тарбияланувчиси қозоқ клубларидан жой олди.

Қўшни мамлакат чемпионатининг 4-туридан Асилбек Абдурасулов “Астана” жамоасида, Бектемир Абдуманнонов “Окжетпес” таркибида дебют учрашувларини ўтказди.

УЕФА Конференциялар лигасининг янги мавсумида иштирок этадиган “Астана” клуби ўзбек футболчисини қўшиб олганига футбол соҳаси мутахассислари томонидан муносабат бўлди.

Россиялик журналист Александр Троицкий Ўзбекистон ёшлар терма жамоаси футболчиси Асилбек Абдурасуловнинг “Ғазалкент”дан “Астана”га ўтиши ҳақида қуйидагича фикр билдирди.

- Кимга “Астана”да легионерлар етишмаётган эди?

Кутиб олинг – “Ғазалкент”дан Асилбек Абдурасулов келди. Менимча, мавсумнинг энг қизиқ лойиҳаларидан бири.

Асилбек ҳисобида Ўзбекистон U-18 терма жамоаси сафида иккита ўйин бор. У аслида “Бунёдкор” тарбияланувчиси.

Албатта, Григорий Бабаяннинг танлови жуда қизиқ. Аммо у бу йигитда ниманидир кўрган.

Нима бўлган тақдирда ҳам кузда “Астана” Еврокубокларда ўйнайди, - деб ёзди Александр Троицкий.

18 ёшли ўзбек футболчиси “Астана” жамоасининг “Қайрат” билан бўлган учрашувида захирадан майдонга тушди. Бу Асилбекнинг профессионал даражадаги илк ўйини бўлди.

Бу воқеага Қозоғистон терма жамоаси бош мураббийи ёрдамчиси Елдос Ахметов муносабат билдирди.

- Битта учрашувга қараб футболчига баҳо беришга ҳали эрта. Аммо айтишларича, Асилбек иқтидорли ўйинчи.   

Инсайдер маълумотлар деганларидек, айтишларича, ҳали бу футболчи ўзини кўрсатади, - деди Елдос Ахмедов.

Асилбек Абдурасулов 4 апрель куни “Астана” сафига қўшилди. “Ғазалкент” ўз ўйинчисини 2026 йилнинг охирига қадар қозоқ клубига ижарага берган.

Шунингдек, Қозоғистон чемпионатига йўл олган иккинчи футболчимиз – Бектемир Абдуманнонов ҳам янги жамоаси “Окжетпес” сафида “Женис” жамоасига қарши майдонга тушди.

Самарқанднинг “Динамо” жамоасига тегишли бўлган 23 ёшли Абдуманноновнинг ижара битими ҳам жорий йилнинг 31 декабрига қадар давом этади.

Ҳусанов Муҳаммад Салоҳ эрасига якун ясади!

Бир ярим асрлик рекордда қатнашган Ҳусановни ашаддий рақиб афсонаси ҳам мақтади

Сен кетавер, буёғига Ҳусанов бор!

Еврокубокда ўйнайдиган клуб ўзбек футболчиси трансферини эълон қилди