Драган Черан: Қийин ўйинда муҳим ғалабага эришдик

Хабарингиз бор, кеча Олий Лига 1-тур учрашуви доирасида Қаршининг "Насаф" жамоаси Қўқонда маҳаллий "Қўқон-1912" жамоасига қарши баҳс олиб борди. Қизиқарли кечган учрашувда меҳионлар 2:1 ҳисобида зафар қучишди. Биз ушбу ўйинда "Насаф"нинг 2-голига муаллифлик қилган жамоанинг сербиялик легионери Драган Чераннинг ўйин ҳақидаги фикрлари билан қизиқдик.

-Жуда ҳам қийин ўйинда ғалаба қозондик. Мавсумнинг илк ўйини доимо қийин кечган, шундай бўлсада биз ўзимизнинг яхши футболчилардан ташкил топган кучли жамоа эканимизни кўрсата олдик ва ўзимиз учун муҳим бўлган ғалабани қўлга киритишга муваффақ бўлдик. Бу ғалаба биз учун жуда қадрли, сабаби мавсумни ғалаба билан бошлаш ҳам жамоага мавсум давомида қўшимча куч беради.

-Рақиб таркибида кучли футболчилар бор, аммо бизнинг йигитлар кучлироқ! Футбол футболчиларнинг сифатига боғлиқ эмас. Бунда жамоа руҳи ва тайёргарлиги биринчи ўринда туради,-дейди "Насаф" тўпурари.

Азамат Умаров ёзиб олди