Эҳтиёт бўлинг, «Боруссия Д» немис клуби қайтмоқда!

«Боруссия Дортмунд» яна ўзига келиб олди ва бир вақтлар қандай ёрқин ўйин намойиш қилишган бўлса, Бундеслиганинг янги мавсумида яна ўша қаҳрамонликларини кўрсатишни бошлади.

Жамоанинг муваффақиятлари 2008-2015-йиллар оралиғида Юрген Клопп бошқаруви билан боғлиқ. «БВБ» жаҳон футболига ёриб кирди. Икки марта Бундеслигани ютди. Чемпионлар Лигаси финалчисига айланди. Марио Гётце, Марко Ройс, Роберт Левандовски ва Матс Хуммелслар жаҳон савиясидаги футболчиларга айланишди.

Сўнгги йилларда эса «Боруссия Дортмунд»нинг кўплаб иқтидорлари «Бавария» томон йўл олди, Клоппнинг ўзи эса «Ливерпуль»га жўнади. Мана энди жамоа янги мураббий Люсьен Фавр қўли остида қайта шаклланмоқда ва Германия тугул, Европанинг ҳар қандай грандларига чақирув йўлламоқда.

Қуйида дортмундликларни яна ўзларига қайтишганини исботловчи 10 фактни таҳлил қиламиз.

1. Енгилмас жамоа

8-турдан кейин Бундеслигада фақатгина бир жамоа енгилмасдан келмоқда. Бу албатта – «Боруссия Дортмунд».

Фавр шогирдлари ҳисобида олти ғалаба ва икки дуранг бор. Амалдаги чемпион – «Бавария»дан эса тўрт очко илгарилаб кетган. Клуб шунингдек Чемпионлар Лигасини ҳозиргача барча уч ўйинда ғолиб чиққан. Сўнгги турда кимсан Симеонинг «Атлетико»сини 4-0 ҳисобида енгани сўзимизнинг исботи.

2. Голлар «ёмғири»

«Боруссия Д»ни тўхтатадиган мард борми? Бундеслиганинг 8-туридан кейиноқ уларнинг ҳисобидан нақ 27 гол бор! Бу билан улар клуб рекордини янгилашди. Пако Алкасер ва Жейдон Санчолар дортмундликлар ҳужумига янги куч бағишламоқда. Марко Ройс эса уларга қўшимча куч бўлиб хизмат қилмоқда.

3. Пако ҳаммани ҳайратлантирмоқда

Айни вақтда испаниялик ҳужумчининг тўпга тегиниши фақат гол билан тугамоқда. Алкасер тўрт ўйинда жамоаси учун етти гол уришга эришди. 25 ёшли ҳужумчига фақатгина 127 дақиқа берилган холос. У ўртача ҳар 18.14 дақиқада гол урмоқда.

4. совуққонлик юқори даражада

клуб фақатгина Алкасернинг голлари эвазига яхши натижа қайд этаётгани йўқ. Клубнинг 59.5 % зарбалари дарвоза тўридан ўрин олмоқда.

Бундай статистикадан кўриниб турибдики, клуб вакиллари якуний зарба йўллашда камроқ хатоларга йўл қўймоқда.

5. Қўлингдан келса етиб ол!

Европанинг кучли бешлик вакилларидан бирортаси “Боруссия Дортмунд”чалик ички чемпионатда кўп гол ургани йўқ. Улар гол машинасига айланиб бормоқда.

Санчо ва Кристиан Пулишичларнинг борлиги ва камига Ройс ва Алкасернинг самарадорлиги туфайли клуб натижаларидан ҳайратланмаслик керак.

6. Бундеслиганинг моҳир плеймейкери

Агарда Жоржиньо Премьер Лиганинг энг яхши пас узатувчиси бўлса, Мануэль Аканджи Бундеслиганинг энг зўри бўлиб турибди.

Швейцариялик футболчи бу мавсумда 494 пас узатган. Унинг аниқлиги 94.3 % ни ташкил қилади. 23 ёшли футболчи тўп билан муомала қилишнинг ҳадисини яхши ўрганган кўринади.

7. «Тилла бола»

Германия ва Англиядагилар фақатгина бир футболчи – Жейдон Санчо ҳақида гапиришмоқда.

18 ёшли футболчи рақиб ҳимоячиларини шунақанги адабини бермоқдаки, бу унинг статистикасида яққол намоён бўлмоқда. У ҳозиргача олтита голли узатмани амалга оширган. «Манчестер Сити» тарбияланувчиси Бундеслиганинг 305 дақиқалик ўйинида жамоадошлари учун 15 та хавфли вазият яратиб берган. Унинг бу хизматлари Саутгейт назаридан четда қолмади ва Хорватияга қарши ўйинда термадаги дебютини нишонлади.

8. «Атлетико» тўсиғидан ўтиш

«Боруссия Д»нинг «Атлетико» устидан йирик ҳисобда ғалаба қозонишини ҳеч ким кутмагани рост. Боиси 90 дақиқа ичида ҳали бирорта жамоа Чемпионлар Лигаси доирасида Диего Симеоне жамоасига 4 ва ундан юқори гол урган эмас!

Мадридликлар дарвозабони Облак охирги марта 2013-йилда «Рио Аве» сафида 4 ва ундан юқори гол ўтказиб юборган.

Симеоне жамоасига қарши бир қатор жаҳоннинг топ клублари ўйнаган. Бироқ бунақаси ҳали бўлмаганди.