Эктор Купер: Эртага хато қилишга ҳаққимиз йўқ
Ads

"Австралияга қарши ўйин жуда муҳим эканини ҳис қилиб турибмиз. Хато қилишга ҳаққимиз йўқ. Майдонга фақат ғалаба учун майдонга тушамиз. Австралия кучли жамоа, Осиёнинг гранди. Ўтган 3 кун вақт давомида хатоларимизни кўриб чиқдик, камчиликлар устида ишладик. Эртага фақат ғалаба учун ўйнаймиз.

Барча жамоаларнинг ўз ўйин услуби бор. Биз ҳам ўз ўйин услубимизга эга бўлишга ҳаракат қиляпмиз. Ўйин фалсафаси деган сўзни ишлатишни истамаган бўлардик. Бу умумий тушунча. Албатта, биз Австралияга қарши ўйин олдидан баъзи ўзгаришларни амалга оширишимиз мумкин. Биринчи навбатда, эҳтиёткорликка аҳамият қаратамиз. Шу билан бирга ўз услубимизни намойиш қилишга ҳам интиламиз. Бутунлай ўз услубимиздан воз кечиш ниятимиз йўқ. Бу нотўғри бўларди.

Биз Осиё Кубогига мусобақани ютиш учун келганмиз. Фақат айрим жамоаларни эмас. Тўғри, Японияга қарши ўйинда мағлубиятга учрадик. Аммо биз мусобақадаги иштирокимизни давом эттиряпмиз. Барча футболчиларнинг эътибори Австралияга қарши ўйинга қаратилган. Бор куч ва имкониятларимизни ишга солишга тайёрмиз.

Австралия билан бир меҳмонхонада яшаётганимизда ҳеч қанақа муаммо кўрмаяпман. Биз бир-биримиз билан дўстона мулоқотдамиз. Бир биримизга ҳурмат сақлаймиз. Меҳмонхонада ҳеч қандай зиддиятлар юзага келмаяпти, келмайди ҳам. Биз барчамиз профессионаллармиз. Майдонда рақибмиз, майдон ташқарисида дўстмиз

Австралияни нималар эвазига мағлубиятга учратишимиз мумкин? Бу ҳақида ҳозир бу ерда гапиришнинг ўрни эмас. Биз рақибнинг кучли ва кучсиз томонларини ўргандик. Мураббийимизда аниқ режа бор. Биз шу режага амал қилишга интиламиз.

Австралиянинг барча ўйинларини ўрганиб чиқдик. Улар тартибли жамоа, жисмоний жиҳатдан кучли. Индивидуал маҳоратли футболчилари кўп. Осиёнинг кучли футболчиларидан бири. Шунга қарамай, биз бор имкониятларни ишга солиб, уларни мағлубиятга учратишга ҳаракат қиламиз", - деди аргентиналик мутахассис.

Манба: ЎФА

Фикрлар

Фикр қолдириш учун авторизациядан ўтинг!
&
Yahyobek
21/01/2019 09:56
Бугун Австралияни енгсак худди финални ютгандек хурсанд бўлардим.Юракни ховучлаб ўйинни кузатаман.
&
Davlatov Sherzod
20/01/2019 23:36
Bu faqat himoyada o'ynaymiz deganimikin
&
darwesh
20/01/2019 13:32
Хато килишдан эмас, австралиядан камрок хато килиш керак булади

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98