«Эл Класико» "Миллий" стадионда катта экранда намойиш этилади

Шу йилнинг 28 октябрь куни 19:00дан бошлаб “Миллий” стадионида “Барселона”нинг собиқ футболчиси Луис Гарсия ўзбекистонлик ёш футболчиларга мастер класс ўтказади.

“Барселона” – “Реал” учрашувидан олдин 19:00да Тимур Кападзенинг “Реал” жамоасига қарши Луис Гарсиянинг “Барселона” жамоаси иштирокида юлдузлар ўртасидаги футбол шоуси бўлиб ўтади.

Кейин эса эстрадамиз юлдузлари иштирокида концерт уюштирилади. Жумладан, мафтункор Шаҳзода йиғилганларни ўз қўшиқлари билан хурсанд қилади. Кейин ҳамма биргаликда “Эл Класико”ни стадионга ўрнатиладиган катта экранда томоша қилади!

Чипталар 26 октябрдан "Миллий" стадион кассаларида бепул тарқатилади.