Эрнесто Вальверде: Роналду ва Мессисиз ҳам Классико мавжуд эди

"Барселона" клуби бош мураббийи Эрнесто Вальверде эртага бўлиб ўтадиган Эл-Классико ҳақида ўз фикрини билдирди.

- Бундай ўйинларга ҳар томонлама тайёргарлик кўриш даркор, асосан психологик томондан. Биз иккита кетма-кет ўйинда мезбонлик қиламиз буни ҳам унутмаслигимиз даркор.

Албатта, биз мадридликлар қай тарзда ўйнашларини тассавур қила оламиз. Умид қиламанки, эртага рақибимиз энг зўр формада майдонга тушади.

Шуни айтишим даркорки, кимлар асосий таркибда майдонга тушиши борасида бир қарорга келдим, лекин буни эълон қилолмайман. Рафинья "Интер"га қарши кучли ўйин намоиш қилди, бироқ "Реал"га қарши ўйин бошқа даражада.

Биз фақатгина 4 очкога "қироллик клубини" ортда қолдиряпмиз, бу эса катта фарқ эмас. "Реал" каби жамоалар инқирозга учраган бўлсаларда, футболчилар ўз кучларини майдонда кўрсатишади.

Биз ўз ўйин услубимизни топиб олишимиз керак. Месси билан ёки Мессисиз. Ўтган мавсум биз буни уддасидан чиққандик ва чемпионликни қўлга киритишга муваффақ бўлгандик. 

Тан олиш лозим, "Реал" жорий мавсум афсонавий Роналдусиз ҳам хужумда ажойиб ҳаракатларни амалга оширмоқда. "Леванте"га қарши учрашувда ҳам камида 10 хавфли хужумни амалга оширди мадридликлар. 

Шуни таъкидлашим даркорки, Роналду ва Мессисиз ҳам бундан олдин Классико жуда катта эътиборга сазоваор бўлган, - дея Вальвердининг сўзларидан иқтибос келтиради Marca нашри.