Эрон футбол федерацияси МОФАга миннатдорчилик йўллади

Эрон футбол федерацияси бош котиби Муҳаммад Ризо Сакет Умид Аҳмаджонов бошчилигидаги Марказий Осиё футбол ассоциациясига “CAFA U-15 Championship” мусобақасига таклиф учун ташаккурнома йўллади. Ташаккурномада мусобақа юксак савияда ташкил этилгани тилга олиниб, ташкилий гуруҳнинг фаолияти юқори даражада баҳоланган. 

 

- Чемпионат давомида Эрон терма жамоаси аъзоларига кўрсатилган самимий меҳмондўстлик учун ҳам алоҳида миннатдорчилик изҳор этамиз, - деди Муҳаммад Ризо Сакет.

 

Эслатиб ўтамиз, “CAFA U-15 Championship” мусобақаси 22-30 июль кунлари пойтахтимизда ўтказилган бўлиб, унда МОФАнинг барча аъзолари иштирок этишди. Якунда барча ўйинда ғалаба қозонган Эрон терма жамоаси ғолибликка эришди.