Eron klubi Server Jeparovga ultimatum qo‘ydi, hamyurtimiz FIFAga arz qilmoqchi

Eronning "Istiqlol" klubi o‘zbekistonlik futbolchi Server Jeparovga ultimatum qo‘ydi. Bu haqida sports.kz nashri xabar bermoqda.

Klub prezidenti Amir Xuseyn Fatxi Eron OAVga bergan intervsida Jeparov bilan yangi kelishuvga erishganliklarini ma’lum qildi, biroq futbolchi jamoa bazasiga mashulotlarni boshlab yuborish uchun etib kelmagani borasida noroziligini bildirdi. Aytib o‘tish joizki, Server o‘tgan 2017-18 yillardagi mavsumda jamoa bilan shartnoma imzolagandi.

Hamyurtimiz Sports.kz nashriga ma’lum qilishicha, tehronliklar o‘tgan mavsumda imzolangan shartnomani to‘la-to‘kis bajarishmagan. Shu qarzdorlik sababli Server FIFAga arz qilishni rejalashtirmoqda.