Eshli Barti kichik yakuniy turnir g‘olibiga aylandi

Biroz avval Xitoyning Chjuxay shahrida tennis bo‘yicha ayollar o‘rtasida WTA Elite Trophy  nomli kichik yakuniy turnir o‘z yakuniga etdi. Hal qiluvchi bahs avstraliyalik Eshli Barti hamda mezbon Van Tszyan o‘rtasida kechdi. 

1 soat 21 daqiqa davom etgan bahs jahon tasnif jadvalida 19-pog‘onani egallab turgan avstraliyalik Eshli Bartining g‘alabasi bilan yakunlandi. Barti bellashuv davomida 2 ta eys va 4 ta breyk zarbalarini amalga oshirishga muvaffaq bo‘ldi. 

Shu tariqa Barti 800 reyting ochkosi bilan birgalikda 673 ming AQSh dollari miqdoridagi pul mukofotiga ham ega bo‘ldi.