ФИФА "Лужники"ни энг зўр стадион деб топди

Москва қурилиш департаменти раҳбари Андрей Бочкарёвнинг айтишича ФИФА "Лужники"ни трибунадан туриб майдонни томоша қилиш учун энг қулай стадион деб топган.

Эслатиб ўтамиз, Россия пойтахтидаги муҳташам арена ёзда бўлиб ўтган ЖЧ-2018нинг 7та ўйинини ўзида қабул қилди. Очилиш ва финал баҳслари шулар жумласидандир.

Маълумот учун, асли 1956 йилда қуриб фойдаланишга топширилган ушбу ўйингоҳ 2013-2017 йилларда ЖЧ-2018 муносабати билан замонавий тарзда реконструкция қилинди.