FIFA dunyoning eng yaxshi futbolchisiga nomzodlar uchligini e’lon qildi

FIFA 2018 yilgi dunyoning eng yaxshi futbolchisiga yakuniy nomzodlarni e’lon qildi.

Unga ko‘ra The Best sovrini uchun "Yuventus" forvardi Krishtianu Ronaldu, "Real" xavbeki Luka Modrich va "Liverpul" vingeri Muhammad Salohlar kurashni davom ettirishadi. Aynan mana shu uch nafar nomzod muxlislar va ekspertlar tomonidan ko‘proq ovoz to‘plagan.

Ushbu sovrin 24 sentyabr kuni Londonda bo‘lib o‘tadigan tantanali marosimda topshiriladi.